Sími 441 5300

Fréttir

Árgangaskiptahátíðin - 17.8.2018

Í morgun var stór stund hjá börnunum í Arnarsmára, flutningur á milli deilda fór fram.
Garparnir urðu Gullmolar og fluttu á Gulldeild, Grallarar urðu Garpar og fluttu á Akur, Gormar urðu Grallarar og fluttu á Brekku og Grjón urðu Gormar og fluttu á Bakka. Þetta var mjög hátíðleg og skemmtileg stund.

Lesa meira

Sólblómabaukurinn - 10.7.2018

í gær heimsóttu  Gullmolarnir skrifstofu SOS barnaþorpa og afhentu 16.650 kr. sem var sú upphæð sem safnast hafði á síðasta skólaári í baukinn. Þeim var sagt að þessi peningur ætti eftir að koma sér vel fyrir börn út í heimi sem vantar margt til að sinna sínum grunnþörfum. Börnin voru leyst út með gjöfum.











Þegar heim kom sögðu þau að þeim liði vel eftir að hafa afhent þessa peninga. Eins og einn Gullmolinn sagði: "Sælla er að gefa en þiggja"

Lesa meira

Niðurstöður úr foreldrakönnun - 27.6.2018

Foreldrakönnunin.

Niðurstöður úr foreldrakönnuninni sem flestir foreldrar tóku þátt í voru mjög góðar. Spurt var um rúmlega 20 atriði þar sem merkt var við einn af fjórum möguleikum og voru svörin þannig að  85-100% voru ánægðir eða mjög ánægðir.

Það sem foreldrar töldu helst ábótavant var lóð skólans en sem betur fer stendur það til bóta, framkvæmdir eiga að byrja í sumar.

Einnig var talað um þrengslin í fataherbergjunum og aðstöðu Gullmolanna.
Fataherbergin koma til með að verða óbreytt, þar veltur allt á góðri samvinnu og umgengni.
Til stendur að kaupa skilrúm fyrir Gulldeild til að afmarka þeirra svæði betur.

Annars má segja að skólinn hafi fengið glimrandi niðurstöður og eru kennarar þakklátir fyrir hlý orð frá foreldrum í þeirra garð.

Könnunina í heild sinni (fyrir utan opnu svörin) er hægt að sjá á þessum link:
http://arnarsmari.kopavogur.is/um-skolann/deildir/mat-a-skolastarfinu/

 

Lesa meira

Vorhátíð í góðu veðri - 7.6.2018

Í gær var vorhátíð skólans haldin í fínasta veðri en henni var frestað þann 17. maí, vegna þess þá var gul viðvörun frá Veðurstofu Íslands vegna hvassviðris og rigningar.
Hátíðin tókst vel, börnin sungu nokkur lög fyrir gesti og að því loknu fékk umhverfisnefnd skólans, sem skipuð er elstu börnunum,  Grænfánann afhentan í fimmta skipti frá fulltrúa frá Landverndar. Næstu tvö ár verður þemað í Grænfánaverkefninu Landslag.
Eftir að búið var að draga Grænfanann að húni fór fram reiptog, börn á móti foreldrum og er skemmst frá því að segja að börnin sigruðu þá keppni og uppskáru verðlaun. Þá var komið að fjórsjóðsleit og að lokum var pizzuveisla í boði foreldrafélagsins.

Lesa meira