Sími 441 5300

Útikennsla

Útikennsla

Ástæður þess að útikennsla hefur fengið vaxandi athygli á undanförnum árum má rekja til þess að það hafa orðið miklar breytingar á þjóðfélaginu  sem hafa t.d. kallað fram spurninguna um  hvaða reynslu nútíma börn hafa af ósnortinni náttúru. Flestir þeir sem eldri eru muna hvernig það var að leika sér úti í ósnortinni náttúru, þar sem ímyndaraflið og hugmyndaflugið fengu að njóta sín. Lítið var um skiplögð svæði miðað við það sem nú er, bílaumferð minni og foreldrar höfðu meiri tíma til að njóta náttúrunnar með börnunum . Í dag upplifir fjöldi barna náttúruna í gegnum bílrúðu á ferðum með fjölskyldunni, af bókum, sjónvarpi og tölvu en minna í gegnum áþreifanlega reynslu. Því hefur skólakerfið í vaxandi mæli tekið upp á því að gefa börnum kost á að upplifa útiveru, enda dvelja þau stóran hluta úr deginum þar.

Í útikennslu er lagt af stað með ákveðið viðfangsefni og leysa börnin það með aðferðum sem kennarinn hefur fyrirfram ákveðið og skipulagt. Útikennslan snýst um að börnin læri um raunveruleikann í raunveruleikanum, samfélagið í samfélaginu, náttúruna í náttúrunni og nærumhverfið í nærumhverfinu.

Úti í náttúrunni og nánasta umhverfi geta komið upp óvæntar aðstæður og þar verða sífelldar breytingar. Börnin fá tækifæri til að kafa dýpra í viðfangsefnið og leita nýrra svara. Með því að skoða og rannsaka náttúruna reglulega og vinna þar verkefni fá börnin grunnþekkingu á náttúru og umhverfi, sem bætir við reynslu þeirra. Í útikennslu fá börnin tækifæri til að styrkja ýmsa hæfileika sína, þar sem þau nota bæði hug og hönd „learning by doing“. Að lokum má benda á, að rannsóknir hafa sýnt að börn í útinámi hreyfa sig tvisvar sinnum meira á skóladegi en þegar þau eru í hefðbundnu inninámi.  

Í útikennslu er börnum gjarnan skipt í minni hópa sem vinna sjálfstætt óháðir hver öðrum. Við þessar aðstæður myndast nægilegt rými fyrir einstaklinginn og í ljós geta komið ýmsir hæfileikar sem ekki sjást í hefðbundinni kennslu. Hér má nefna  aukinn skilning á náttúrunni, hinu nánasta umhverfi og menningunni. Þegar börnin eru flækt í sýndarveruleika tölvuleikja, þá er mikilvægt að þau eigi kost á því að kynnast raunverulegri náttúru með öllum hennar kostum og „göllum“ ef svo mætti segja.

Í útikennslunni í Arnarsmára er stuðst við verkefnið „Það læra börnin sem fyrir þeim er haft“, eftir Sigríði Guðjónsdóttur, en það var lokaverkefni hennar til B.Ed.- gráðu í leikskólafræði við Háskóla Íslands, Menntavísindasvið.

Verkefnasafn

Markmiðið með útikennslunni er m.a. að börnin öðlist víðari sjóndeildarhring, þrek þeirra og þol aukist og þau fái aukinn skilning á menningu okkar.
Markmiðum skólans, þ.e. frumkvæði, vináttu og gleði er gert hátt undir höfði í útikennslunni eins og annars staðar í starfi skólans, iðkaðar dyggðir og unnið með alla þroskaþætti barnanna.  

Hver árgangur á sér ákveðinn stað í náttúrunni þar sem hann velur sér tré og heimsækir reglulega til að fylgjast með árstíðabundnum breytingum.

Í útikennslu er lagt af stað með ákveðið viðfangsefni og leysa börnin það með aðferðum sem kennarinn hefur fyrirfram ákveðið og skipulagt. Útikennslan snýst um að börnin læri um raunveruleikann í raunveruleikanum, samfélagið í samfélaginu, náttúruna í náttúrunni og nærumhverfið í nærumhverfinu.

Í útikennslu er börnum gjarnan skipt í minni hópa sem vinna sjálfstætt óháðir hver öðrum. Við þessar aðstæður myndast nægilegt rými fyrir einstaklinginn og í ljós geta komið ýmsir hæfileikar sem ekki sjást í hefðbundinni kennslu. Hér má nefna  aukinn skilning á náttúrunni, hinu nánasta umhverfi og menningunni. 
Þróunarstarf í útikennslu var í Arnarsmára frá hausti 2009 til vors 2012. Verkefnisstjóri var Sigríður Guðjónsdóttir,  sem bætti við sig B.Ed. gráðu vorið 2009 og fjallaði lokaritgerð hennar um útikennslu. Sigríður gerði  verkefnakver með hugmyndum um útinám  þar sem markmið Arnarsmára, einkunnarorð og dyggðir eru höfð að leiðarljósi og útkennslan felld inn þau.  

Úti í náttúrunni og nánasta umhverfi geta komið upp óvæntar aðstæður og þar verða sífelldar breytingar. Börnin fá tækifæri til að kafa dýpra í viðfangsefnið og leita nýrra svara. Með því að skoða og rannsaka náttúruna reglulega og vinna þar verkefni fá börnin grunnþekkingu á náttúru og umhverfi, sem bætir við reynslu þeirra. Í útikennslu fá börnin tækifæri til að styrkja ýmsa hæfileika sína, þar sem þau nota bæði hug og hönd („learning by doing“). Rannsóknir hafa sýnt að börn í útinámi hreyfa sig tvisvar sinnum meira á skóladegi en þegar þau eru í hefðbundnu inninámi.