Sumar- og sólblómahátíð
Fimmtudaginn 13.júní héldum við í Arnarsmára okkar árlegu Sumar- og sólblómahátíð, þar sem foreldrum og öðrum gestum er boðið að koma og njóta með okkur í garðinum okkar.
Hátíðin hófst á því að börnin sungu þrjú lög fyrir gesti og eftir það var boðið uppá að fara á milli nokkurra stöðva þar sem eitthvað skemmtilegt var í boði. Einnig var hægt að fara inn í skólann en þar var hægt að skoða listaverk eftir börnin og fleira. Stöðvarnar sem voru í boði voru:
- Sápukúlustöð
- Andlitsmálun
- Dansa og syngja með tónlist
- Ratleikur í skóginum
- Veiða snakk
- Þrautabraut
Að lokum var svo pizzaveisla áður en allir héldu heim á leið.
Við þökkum öllum gestum kærlega fyrir komuna og vonandi hafa allir haft gaman að.