2018-2020

Þema þessa tímabils verður "Landslag". Leikskólinn er staðsettur efst á Nónhæð og nýlega (des. 2017) var samþykkt í bæjarstjórn Kópavogs nýtt deiliskipulag Nónhæðar þar sem gert er ráð fyrir 140 íbúða byggð. Arnarsmári er útikennsluskóli, en hefur ekki verið með neitt skipulagt svæði í nágrenninu sem hægt er að kalla útikennslustofu. Nónhæðin (eða „Móinn“ eins og hún kallast í Arnarsmára) hefur þó verið sá vettvangur sem hefur komist næst því. Það má búast við miklum breytingum á nærumhverfi skólans á næstu tveimur árum, því fyrir utan þessar breytingar í „Móanum“ verður garður leikskólans algjörlega endurnýjaður á sama tíma. Það er því tilvalið að leyfa börnunum að velta fyrir sér muninum á menningarlegu og náttúrulegu landslagi; hvernig hægt er að breyta landslagi og umhverfi. Einnig verður lögð áhersla á örnefni í nærumhverfinu, því „landslag væri lítils virði, ef það héti ekki neitt“.

Grænfáni 2018 
Markmiðssetning
Landslag - hugarkort 

2016-2018

Næstu tvö árin verður grænfánaþemað Neysla og munum við velta fyrir okkur hvaða hlutir skipti okkur raunverulegu máli í lífinu, hvort við þurfum allan þennan mat, föt og hluti. Hvernig við getum minnkað neyslu okkar og hvað við getum nýtt betur og hvernig.

Grænfáni 2016
Markmiðssetning

Á meðfylgjandi hugarkorti má sjá hvernig unnið verður með þetta þema í skólanum og hvernig það tengist aðalnámskrá;

Neysla

Grænfáninn er veittur til tveggja ára. Grænfánaskóli þarf að velja þema sem hann vinnur eftir þessi tvö ár.

  • Þema Arnarsmára 2010-2012 var átthagarnir.
  • Þema Arnarsmára 2012-2014 var lýðheilsa.
  • Þema Arnarsmára 2014-2016 var lýðheilsa og átthagarnir, þar sem haldið var áfram með gott umhverfisverndarstarf.

Markmið Arnarsmára með þessu þema var því að flokka umbúðir, endurnýta allt sem hægt er og molta lífrænan úrgang, sem og að bæta heilsu barna og kennara og auka vellíðan þeirra, bæði andlega og líkamlega. Það er gert með áherslu á holla næringu, útiveru, hreyfingu, vettvangsferðum, snyrtimennsku og umræðum um heilbrigt líferni almennt. Þannig og með iðkun dyggða teljum við að frumkvæði, vinátta og gleði fái að blómstra í leikskólanum og börnum og kennurum líði vel, andlega og líkamlega.

Á meðfylgjandi hugarkorti má sjá hvernig unnið verður með þetta þema í skólanum og hvernig það tengist aðalnámskrá; 

Lýðheilsa og átthagarnir
Grænfáni 2014